نعمتوں کا حساب_ بندے سے پروردگار کا مکالمہ

 پیشکش: نور ادب

نظم: نعمتوں کا حساب

مری   بخششوں  کی  روایت   ہوئی

کہ تخلیقِ کونین تیری ودیعت ہوئی

یہ  دنیا، یہ  دھرتی، یہ  افلاک  سب

ہیں تیرے لیے میری مہربانی کے رب

یہ شمس و قمر، یہ ستاروں کا کارواں

یہ راتیں  کہ جن  میں سکوں  کا  بیاں

یہ پھولوں کے چہرے، یہ خوشبو کا رنگ

یہ   دریا،  یہ  جھرنے،  یہ  جل  کا  ترنگ

یہ  بادل،  یہ  برکھا،   یہ  تیزابِ  نور

یہ شبنم کی بوندوں میں پنہاں شعور

یہ پہاڑوں  کے سائے، یہ صحرا کی راہ

یہ سمندر کے ساحل، یہ بستی کی چاہ

چرندوں  پہ تیرے  لیے حکمراں

پرندوں سے سیکھے تو رازِ بیاں

درختوں   کے  سائے، ثمر  اور  پھل

گلوں میں سجا دیے خوشبو کے کل

یہ سبزے، یہ  لہلہاتی کھیتوں کی شان

یہ صبحیں، یہ شامیں، یہ راتوں کا گان

تجھے عقل دی، فکر و دانش عطا

تجھے   سوچنے  کا  ہنر  بے  خطا

تجھے  ہاتھ  دیے، یہ  آنکھیں،  زباں

کہ جن سے ہے جاری محبت کی داں

کبھی  سوچا تو نے، یہ سب کچھ ملا

کہ  کس  کے  کرم  سے  ہوا  یہ  عطا؟

میں نے بخشا تجھے زندگی کا ہنر

بتا   کیا  دیا  تو  نے  میری  نظر؟

نمازوں میں کس دل سے جھکتے رہے؟

کہ  سجدوں  کو کتنی  وفا  سے  کیے؟

تجھے عقل دی، راستہ بھی دکھایا

کتابِ  ہدایت  بھی خود  سے  اتارا

نبی  بھیج  کر بات  سمجھا  دیے

کہ ہر ایک عمل کے اصول بتا دیے

یہ جود و عطا سب ہیں تیرے لیے

مگر  کیا  کیا  تو  نے  میرے  لیے؟

یہ دنیا کہ جس میں تو رہتا ہے آج

بتا  کیا  بھلایا؟  کیا رکھا ہے  یاد؟

یہ نعمت، یہ  رحمت، یہ  انعام  سب

بتا، کیا کیا تو نے اپنے رب کے طلب؟

مقطع:

یہ  رحمت، عنایت، یہ   احسان سب

عطا! کیوں بھلا بھول بیٹھا ہے رب؟

---

از قلم: غلام مزمل عطا اشرفی

مقام: سہرسہ، بہار